17 06 2021

Հարյուրավոր ավտոբուսներով ու միկրոավտոբուսներով մարդկանց մարզերից բերում են Նիկոլ Փաշինյանի հանրահավաքին

Այսօր՝ ժամը 20։00-ին, Հանրապետության հրապարակում Նիկոլ Փաշինյանը հանրահավաք է հրավիրել։

Մարզերից քաղաքացիներին ավտոբուսներով բերում են Երևան՝ մասնակցելու հանրահավաքին։

Mediaport տելեգրամյան ալիքը տեսանյութ է հրապարկել, թե ինչպես են Մարտունիի ՔՊ գրասենյակի մոտ կայանած մեքենաները մարդկանց բերում Հանրապետության հրապարակ` Նիկոլ Փաշինյանի հավաքին մասնակցելու։

Ըստ տելեգրամյան ալիքի՝ «մարդ բերելու» գործին ակտիվորեն լծված են Գեղարքունիքի մարզպետը, Մարտունու հիվանդանոցի տնօրենը, ավագանու ՔՊ-ական անդամները:

Նույն ալիքի հաղորդմամբ՝ Վարդենիսի հոգեբուժարանի աշխատակիցներին, ուսուցիչներին ու բուժաշխատողներին ստիպողաբար բերում են Երևան:

Նշվում է նաև , որ Արտակարգ իրավիճակների նախարարության փրկարար ծառայության ղեկավար Արմեն Գասպարյանը ծառայության աշխատակիցներին կարգադրել է քաղաքացիական հագուստով մասնակցել Նիկոլ Փաշինյանի այսօրվա հանրահավաքին։

«Աշխատակիցները պետք է հավաքվեն «Արմենիա Մարիոթ» հյուրանոցի մոտ։ Գասպարյանը ծառայության կազմակերպման վարչության պետ Տիգրան Ավագյանին հանձնարարել է Հանրապետության հրապարակում կազմակերպել ԱԻՆ աշխատակիցների ներկա-բացական։

Mediaport-ի աղբյուրի փոխանցմամբ՝ ասվել է, որ բացակա աշխատակիցների աշխատանքից հեռացման գործընթացը նախատեսվում է իրականացնել վաղը՝ նախքան ընտրությունները», - գրել է Mediaport-ը։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

հանրահավաք | ավտոբուսներ

Դիտել նաև

Մամուլի տեսություն 20 03 2024

Իշխանություններն անհանգստացած են արցախցիների համախմբմամբ ու այսօրվա հանրահավաքով. «Ժողովուրդ»

Իշխանությունները սպասում են հանրահավաքին, որ ըստ մարդկանց քանակի ու ստացված ազդակների, վերջնականացնեն իրենց մոտեցումները ոչ միայն բնակարանային, այլև՝ արցախցիներին առնչվող այլ ծրագրերի մասով