06 04 2020

Արարատի մարզում կա կորոնավիրուսով վարակված 173 անձ. մարզպետ

Արարատի մարզպետ Գարիկ Սարգսյանը ֆեյսբուքյան իր էջում գրառում է կատարել՝ տեղեկացնելով, որ մարզում գրանցված է կորոնավիրուսով վարակված 173 անձ, երեկ հաստատված որևէ դեպք չի եղել:

Մարզպետի ֆեյսբուքյան գրառումը ներկայացնում ենք ստորև.

«Արարատի մարզում, վերջին տվյալներով, ունենք կորոնավիրուսով 173 վարակակիր, սակայն, ի ուրախություն բոլորիս՝ նշեմ, որ դեպքերի նվազման տենդենց կա․ երեկ հաստատված որևէ նոր դեպք չենք ունեցել։

Եթե առաջիկա օրերին դինամիկան այսպիսին լինի, ապա կարող ենք ասել, որ վարակի տարածումը մեր մարզում չեզոքացվել է։ Բայց սա, բնավ, չի նշանակում, որ կարող ենք արդեն լիովին հանգիստ լինել, տեղաշարժման սահմանափակումները շարունակվելու են խիստ ռեժիմով և, եթե մեզանից յուրաքանչյուրն իր քայլերում պատասխանատու լինի, ապա շատ արագ կհաղթահարենք վիրուսն ու քիչ-քիչ կանցնենք մեր բնականոն կյանքին։

Առողջ եղեք»։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Արարատի մարզ | կորոնավիրուս | դեպքեր | վարակ | Գարիկ Սարգսյան

Դիտել նաև

Մամուլի տեսություն 04 04 2024

Գարիկ Սարգսյանը «բրեժնևյան» ոճով քծնել, գովերգել է «շեֆին»․ «Հրապարակ»

Քծնանքն այնքան անթաքույց է եղել, որ անգամ ՔՊ-ականներն են տարակուսել