26 03 2020

Բեյրութում կորոնավիրուսից լիբանանահայ երիտասարդ է մահացել

Բեյրութում կորոնավիրուսից լիբանանահայ երիտասարդ է մահացել

Բեյրութում մահացել է լիբանանահայ երիտասարդ Պետիկ Օղկասյանը: Այս մասին «Արեւելք»-ը տեղեկացրել է հանգուցյալի ընկերներից։

Նշվում է, որ նա 2 օր առաջ վատ է զգացել եւ փոխադրվել է «Ռաֆիկ Հարիրիի» անվան հիվանդանոց, որտեղ էլ մարտի 25-ին կնքել է իր մահկանացում:

Լիբանանյան MTV Lebanon կայանը, Պետիկի մահվան լուրից մեկ ժամ անց կարճ տեղեկություն է հաղորդել, որ Պետիկ Օղկասյանը վարակված է եղել կորոնավիրուսով, որի հետեւանքով էլ մահացել է։

Լրատվամիջոցը նաեւ հայտնել է, որ Օղկասյանը տառապում էր այլ հիվանդություններով:

Կայանին հաղորդմամբ, Պետիկ Օղկասյանի մահով Լիբանանում կորոնավիրուսի հետեւանքով մահացածների թիվը հասել է 6-ի։

Նշենք, որ հանգուցյալը 2 զավակների հայր էր:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ