ԱԺ-ում հրդեհից հետո տուժած ֆինն տղամարդու վիճակը ծանր է

ԱԺ շենքի վարչական տարածքում գտնվող շինության տանիքում բռնկված հրդեհի հետևանքով տուժել է ազգությամբ ֆինն տղամարդ։ Նա տեղափոխվել է Երևանի «Ճառագայթային բժշկության և այրվածքների հանրապետական գիտական կենտրոն» ԲԿ: Նա գտնվում է վերակենդանացման բաժանմունքում, վիճակը ծանր է, հայտնել են ԲԿ-ից։

Ազգային ժողովի շենքի վարչական տարածքում գտնվող շինության տանիքում բռնկված հրդեհը մարվել է: Այս մասին հայտնում են ԱԻՆ լրատվական ծառայությունից:

Նոյեմբերի 9-ին, ժամը 15:11-ին «911» ծառայություն ահազանգ է ստացվել, որ հրդեհ է բռնկվել Երևանի Դեմիրճյան փակուղու տներից մեկում:

Հրդեհի բարդության «Թիվ 3» կանչով դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից չորս մարտական հաշվարկ, այնուհետև՝ ևս հինգ մարտական հաշվարկ:

Հրդեհաշիջման աշխատանքներին մասնակցել է 15 մարտական հաշվարկ և 1 ավտոսանդուղք:

Պարզվել է, որ հրդեհը բռնկվել է Ազգային ժողովի շենքի վարչական տարածքում գտնվող շինության տանիքում:

Դեպքի վայրում է գտնվում ԱԻ նախարար Ֆ. Ցոլակյանը:

Ժամը 17:18-ին փրկարարներին հաջողվել է մեկուսացնել հրդեհը