16 09 2019

Բառերն ու թվերը՝ արվեստի միջոցով. Նոր նախաձեռնություն երեխաների համար



Սեպտեմբերի 14-ին տեղի ունեցավ «Դիլիմ» կազմակերպության առաջին նախագծի՝ «Արվեստում» մատենաշարի շնորհանդեսը:

Մատենաշարը կազմված է 4 կարտոնե գրքերից՝ «Առաջին բառերն արվեստում, Կենդանիներն արվեստում, Գույներն արվեստում, Թվերն արվեստում»:

Yerevan. Today-ի հետ զրույցում «Դիլիմ» կազմակերպության հիմնադիր տնօրեն Արևիկ Գալյանը ասաց, որ գրքերի ստեղծման նպատակն է, որ երեխաները վաղ հասակից հաղորդակից լինեն արվեստին:

Գալյանը նաև նշեց, որ գրքերը ստեղծելու հարցում խորհրդակցել են միջազգային մասնագետների հետ. «Ոչ միայն Հայաստանում այլ նաև միջազգային շուկայում նման գրքեր դեռ չեն եղել: Մենք ուսումնասիրել ենք դաշտը, և դրսից արվետսաբաններն էլ փաստում են որ միջազգային շուկայում նման գրքեր չեն եղել»,- ասաց Գալյանը:

Նշենք, որ Դիլիմը ստեղծվել է 2019 թվականին: Կազմակերպության նպատակն է գրքերի հրատարակության և միջոցառումների միջոցով նպաստել երեխաների մշակութային կրթությանը ինչպես նաև բարձրացնել մշակութային գիտակցության մակարդակը:

Մանրամասն՝ տեսանյութում

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ