«Հաղթանակած» համահայկական հավաք. oր 2-րդ

Շուշիում շարունակվում է «Հաղթանակած 2019» հավաքը։

Հավաքի երկրորդ օրը մասնակիցները հնարավորություն ստացան հարց-պատասխանի ձևաչափով հանդիպել ազատամարտիկ Գևորգ Գևորգյանին, որից հետո Շուշիի ազատագրման «Հարսանիք լեռներում» օպերացիան բոլոր մանրամասներով և հերոսական դրվագներով մասնակիցներին ներկայացրեց Շուշիի թանգարանի տնօրեն Աշոտ Հարությունյանը. «Մենք մարտի օրերին կորցրինք Սպարապետին, բայց նրա կամքը կատարեց ժողովուրդը. 750 զույգ ամուսնացան Շուշիում` իրականություն դարձնելով Սպարապետի տված խոստումը` ՀԱՐՍԱՆԻՔԸ ԼԵՌՆԵՐՈՒՄ ...»

Հավաքի մասնակիցների հերթական օրվա առաջին հանդիպումը տեղի ունեցավ Արցախի Հանրապետության նախագահի խորհրդական Տիգրան Աբրահամյանի հետ, ով ճամբարականների հետ զրուցեց Ապրիլյան մարտական գործողություններ. ինչ ունենք այսօր թեմայով:

«2019» ճամբարի տարածքում հյուրընկալեցին նաև Շուշիի շրջդատախազ Ալեքսանդր Գրիգորյանին:

Պրն Գրիգորյանի կողմից նախաձեռնությունը նվեր ստացավ «ԼՂՀ ազգային ազատագրական պայքար 1988-2009» փառքի հուշամատյանը, որը հարգանքի տուրք է Արցախյան ազգային ազատագրական պայքարի տարիներին զոհված և անհայտ կորած ազատամարտիկների հիշատակին:

«Հաղթանակած 2019» հավաքին հյուրընկալեցին նաև Արցախի հերոս, ազատամարտիկ Վիտալի Բալասանյանին։

Հավաքի առաջին օրվա մանրամասները և օրն ամփոփող տեսանյութը՝ այստեղ։