26 07 2019

Արման Թաթոյանն այցելել է Գավառի մանկատուն

Արման Թաթոյանն այցելել է Գավառի մանկատուն

Մարդու իրավունքների պաշտպան Արման Թաթոյանն այսօր Գեղարքունիքի մարզ կատարած աշխատանքային այցի շրջանակում այցելել է նաև «Գավառի մանկատուն» ՊՈԱԿ՝ մատակարարված մսի հետ կապված խնդրին տեղում ծանոթանալու նպատակով: Աշխատակիցները Պաշտպանին պարզաբանել են, որ այդ մսից երեխաները չեն կերել: Ըստ մանկատան փոխտնօրենի՝ մսի արտաքին տեսքից խնդիրն արդեն ակնհայտ է դարձել, իրենց հայտնաբերած փաստն արձանագրելու համար ահազանգել են Սննդի անվտանգության պետական ծառայություն:

Արման Թաթոյանը տեղում ուսումնասիրել է նաև մանկատան պայմաններն, այդ թվում՝ խոհանոցը, ննջասենյակը, բուժկետը, առանձնազրույցներ ունեցել հաստատության սաների հետ և ուսումնասիրել նրանց իրավունքների ապահովման վիճակը:

Հիշեցնենք, որ մանկատուն էր մատակարարվել թերի սնունդ:  Ըստ հաստատության տնօրինության՝ մատակարար ընկերությունը եռօրյա ժամկետում վերացրել է արձանագրված թերությունները:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ