25 07 2019

Հանրային խորհուրդն առաջարկում է զերծ մնալ Ստամբուլի կոնվենցիայի վավերացումից

Հանրային խորհուրդն առաջարկում է զերծ մնալ Ստամբուլի կոնվենցիայի վավերացումից

ՀՀ Հանրային խորհուրդը կառավարությանը կոչ է անում զերծ մնալ Ստամբուլի կոնվենցիայի վավերացումից: Հանրային խորհրդի ղեկավար Վազգեն Մանուկյանը նշել է, որ 2017թ. Հայաստանն արդեն ընդունել է դրույթներ ընտանեկան բռնության կանխարգելման մասին, այդ պատճառով աննպատակահարմար է ընդունել կոնվենցիա, որը կասկածելի դրույթներ է պարունակում:

«Չի կարելի ամեն մի միջագային փաստաթուղթ ստորագրել՝ ժողովրդավար թվալու համար: Եղել են դեպքեր, երբ փաստաթղթերի ստորագրումը պայմանավորված է եղել գրանտներով կամ այլ գործոններով: Սակայն պետք է հաշվի առնել հասարակական շահը»,- նշել է նա:

Խորհրդի անդամ Հովհաննես Հովհաննիսյանը հավելել է, որ անթույլատրելի է ընդունել կոնվենցիա, որն իր մեջ ռիսկեր է պարունակում, եւ անհրաժեշտ է հավելյալ քննարկումներ անցկացնել:

Իր հերթին, Նաթան արքեպիսկոպոս Հովհաննիսյանը նկատել է, որ այդ դեպքում մենք կբախվենք իրավիճակի հետ, երբ մարդկանց պատասխանատվության կենթարկեն մեր երկրի կամ համաշխարհային պատմությունից օրինակներ բերելու համար:  

«Մենք արդեն ընտանեկան բռնության դեմ պայքարի մասին օրենք ենք ընդունել, սակայն չհասկացանք՝ ինչ արդյունքների այն հանգեցրեց»,- ասել է նա: 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ