06  07  2019

Պարգևավճարները դարձել են գաղտնի. Hraparak.am

Պարգևավճարները դարձել են գաղտնի. Hraparak.am

Hraparak.am-ը գրում է.

«Նոր իշխանությունները պարգևավճարների շուրջ բարձրացած աղմուկից հետո փոխանակ հետևություններ անեին, թե ինչպես անեն, որ չմսխեն բյուջեի միջոցները` իրենք իրենց ամեն ամիս պարգևատրելով, որոշել են խորամանկ քայլի դիմել, որ ապահովագրեն իրենց մամուլի «չար» աչքից։ Մեզ պատմեցին, որ տեսնելով, թե ինչ աղմուկ բարձրացավ ՊԵԿ-ի և ֆիննախի աստղաբաշխական պարգևավճարների թեմայով, նախարարություններում որոշել են հատուկ «կարգավորում» մշակել, որը կվերաբերի բացառապես վերնախավին հատկացվող պարգևավճարներին՝ նախարարներ, փոխնախարարներ, աշխատակազմի ղեկավար։ Որոշ խելոքներ վարչապետին համոզել են, որ ճիշտ կլինի՝ պարգևավճարները հատկացվեն վարչապետի գաղտնի որոշման ներքո, որպեսզի տվյալ փաստաթուղթը ենթակա չլինի հրապարակման և չտեղադրվի հայտնի Mulberry համակարգում։

Այս տարբերակով նախարարությունների ստորին օղակների աշխատակիցներին հասանելի չի լինի այն և չեն իմանա, թե իրենց ղեկավարներից ով որքան է փաստացի աշխատավարձ ստանում, մամուլին էլ «սլիվ» չեն անի։ Մենք տեղեկացանք, որ արդեն մի քանի ամիս է՝ այս տարբերակով մեր նախարարները, նրանց տեղակալներն ու աշխատակազմի ղեկավարները ամենամսյա պարբերականությամբ ստանում են և՛ աշխատավարձ, և՛ պարգևավճար, որը աշխատավարձի 100 տոկոսից էլ ավել է կազմում։ Արդյունքում այս պաշտոնյաները ամեն ամիս ստանում են կրկնակիից ավելի աշխատավարձ»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ