11  06  2019

Տեսախցիկները վերացնել խոստացած իշխանությունը շարունակում է հակառակն անել

Տեսախցիկները վերացնել խոստացած իշխանությունը շարունակում է հակառակն անել

2019 թվականի հունիսի 17-ից նոր տեսանկարահանող սարքեր կգործարկվեն։ Այս մասին տեղեկացնում ՀՀ ոստիկանության հասարակայնության եւ լրատվամիջոցների հետ կապերի վարչությունից։

Ճանապարհային ոստիկանությունը տեղեկացնում է, որ հաշվի առնելով ճանապարհային երթեւեկության անվտանգության ապահովման բնագավառի օրենսդրության պահանջների, հատկապես կանգառի եւ կայանման կանոնների, խախտումների մեծաքանակ լինելը, որոնք խցանումների եւ վթարային իրադրության առաջացման պատճառ են հանդիսանում, «Ոստիկանության մասին» օրենքի 22-րդ հոդվածի կարգով Երեւան քաղաքի Վարդանանց-Տպագրիչների եւ Մոսկովյան-Խանջյան-Նալբանդյան փողոցների խաչմերուկներում տեղադրվել են տեսանկարահանող սարքեր:

Տեսանկարահանող սարքերը գործարկվելու են 2019 թվականի հունիսի 17-ից:

Ճանապարհային ոստիկանությունը հորդորում է վարորդներին պահպանել ճանապարհային երթեւեկության կանոնները:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ