Սողանքներն ակտիվացել են․ ինտենսիվ անձրևները նաև մեծ վնաս են տալիս

Անձրևները մինչև ամսի 20-ը ինտենսիվ կշարունակվեն, լեռնային շրջաններում կլինեն ձյան տեսքով։ Ջերմաստիճանը կլինի նվազագույնը՝ +3։ Այս մասին կառավարության նիստում ասաց ԱԻ նախարար Ֆելիքս Ցոլակյանը։

«Օդերևութաբաններն  99 տոկոսով ասում են, որ ցրտահարություն չի լինի: Զրոյից ցածր ջերմաստիճան չեն կանխատեսում»,- ասաց Ցոլակյանը:

«Արդեն երեկ Արմավիրի Երվանդաշատ գյուղից առաջին ահազանգը ստացանք, որ Արաքսի ջրերը բարձրանում են և կարող են դաշտերը ծածկվել։

Վեց տեղ մենք ակտիվ սողանքներ ունենք այսօր: Լոռու մարզում շատ ակտիվ սողանք ունենք, որ սպառնում է անտառային շերտին՝ հոսք դեպի ճանապարհ: Մի գյուղի ճանապարհ կարող է փակվել: Մոտ 600 տոննա հող կարող է լցվել ճանապարհի վրա, որի մաքրելը շատ բարդ կլինի, երկրորդ ճանապարհ կա, որի մասին պետք է մտածենք: Մենք արել ենք ինչ-որ բաներ, զգուշացումներ են եղել համայնքապետարաններին: Խոսքն Աթան գյուղի մասին է»,- հավելեց նա։

Մանրամասն՝ տեսանյութում։