01  03  2019

Հայտնաբերվել են կրկնապիտակով կոնֆետներ



ՀՀ ԿԱ սննդամթերքի անվտանգության տեսչական մարմնի թեժ գծին ահազանգած տնտեսվարողը հայտնել էր, որ «Լոտե» ապրանքատեսակի ներկայացուցիչն իր խանութ է առաքել «Сергиево-посадские шоколадны конфеты желейные» (շոկոլադապատ ժելեներ), որն իրենք ընդունել են, դրել վաճառքի և մի քանի օր անց նկատել, որ շոկոլադապատ ժելեների նախկին ժամկետների վրա (արտադրված է 03.2018-ին, մինչև 9 ամիս պահման ժամկետով) փակցված են նոր ժամկետներ (11.2018, 12.2018 մինչև 9 ամիս պահման ժամկետով):

ՀՀ սննդամթերքի անվտանգության պետական ծառայությունից հայտնում են, որ  տնտեսվարողի ահազանգի հիման վրա՝ Տեսչական մարմնի աշխատակիցներն անցկացրել են վերահսկողական միջոցառումներ, որի արդյունքում հայտնաբերվել է, որ, այո, նշված շոկոլադապատ ժելեների վրա կա կրկնապիտակ: Կոնֆետները տեղում ոչնչացվել են: ՍԱՏՄ մասնագետներն այցելել են նաև կոնֆետները տվյալ խանութին առաքած՝ սննդամթերքի ներմուծմամբ և մանրածախ վաճառքով զբաղվող «Ալվարդ Վարդանյան» ՍՊԸ, որի մեծածախ պահեստում (Ջրվեժ, Բանավան 5, «Տուրկապ» ՓԲԸ-ի տարածք) հայտանբերել են 132 անվանում թերի մակնշմամբ սննդամթերք: Դրանց իրացումը կասեցվել է և տրվել ժամանակ խախտումները վերացնելու համար: Թեև պահեստում վերը նշված շոկոլադապատ ժելեներից չի հայտնաբերվել, սակայն առկա են եղել 2 տուփ պոլիէթիլենային փաթեթավորմամբ և ժամկետի կրկնակի պիտակավորմամբ կոնֆետներ, որոնք տեղում ոչնչացվել են:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Տնտեսություն 22 08 2019
05:19

Հանքի աշխատելն ու չաշխատելը կունենա տնտեսական ազդեցություն. Ջանջուղազյան

Ամուլսարի շահագործման հարցը չի կարելի միակողմանի դիտարկել. Ֆինանսների նախարար

«Ենթադրվում է ցնակացած տնտեսվարում իր ազդեցությունն ունենում է թե՛ տնտեսական աճի, թե՛ ՀՆԱ-ի, թե՛ բյուջեի եկամտների մասով, դրա համար առանց բացառության որևէ տնտեսվարում ողջունելի է»,- կառավարության նիստից հետո լրագրողների հետ զրույցում ասաց ՀՀ ֆինանսների նախարար Ատոմ Ջանջուղազյան, անդրադառնալով հարցին՝ ի՞նչ ազդեցություն կունենա Ամուլսարի չաշխատելը պետական բյուջեի եկամուտների վրա:

Ջանջուղազյանը նշեց, որ հանքի չշահոգրծվելու դեպքում չի կարելի ասել, որ դա հարված կլինի բյուջեի համար, սակայն կունենա որոշակի ազդեցություն. «Պետական բյուջեի եկամուտների կանխատեսումը չի կատարվում առանձին կազմակերպությունների մասով։ Հետևաբար, առանձին վերցրած որևէ կազմակերպության աշխատել չաշխատելու դեպքում բացակայում է նման կանխատեսումը» ,- ասաց նա։

Մանրամասն՝ տեսանյութում

Orphus համակարգ