13 01 2019

Հրդեհ՝ Վարդանանց փողոցում․ կա 1 զոհ, 3 վիրավոր

Հրդեհ՝ Վարդանանց փողոցում․ կա 1 զոհ, 3 վիրավոր

Հունվարի 13-ին՝ ժամը 07:56-ին, «911» ծառայությանն ահազանգ է ստացվել, որ Երևան քաղաքի Վարդանանց փողոցի թիվ 5ա շենքի 9-րդ հարկի բնակարաններից մեկում հրդեհ է բռնկվել:

Դեպքի վայր են մեկնել ԱԻՆ ՓԾ հրշեջ-փրկարարական ջոկատից երեք մարտական հաշվարկ, մեկ ավտոսանդուղք և Ճգնաժամային կառավարման ազգային կենտրոնի արտակարգ իրավիճակների արձագանքման ու օպերատիվ խմբերը և հոգեբանական աջակցության բաժնի հոգեբանական խորհրդատվության գծով հրահանգիչը:Հրդեհը մեկուսացվել է ժամը 08:42-ին, մարվել՝ 08:52-ին:

Փրկարարները շքամուտքի հատակին հայտնաբերել են քաղաքացի Հ. Խ.-ի (ծնված 1937 թ.) դին: Բնակարանի բնակիչներ Ն. (1968 թ.), Լ. (1998 թ.) և Ի. (1991 թ.) Խ.-ները հոսպիտալացվել են «Ճառագայթային բժշկության և այրվածքների գիտական կենտրոն» ՓԲԸ, որտեղ նրանց առողջական վիճակը գնահատվել է միջին ծանրության:

Հրդեհի հետևանքով բնակարանում (150 քմ) ամբողջությամբ արվել են երկու ննջասենյակները, սանհանգույցը և խոհանոցը` գույքով, հյուրասենյակը` մասամբ:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ