20 12 2018

Պետբյուջեից 1․2 մլրդ դրամ դուրս գրվեց

Պետբյուջեից 1․2 մլրդ դրամ դուրս գրվեց

Կառավարությունը դեկտեմբերի 20-ի նիստում գումար դուրս գրեց մի շարք նպատակների համար։ Մասնավորապես,

1. Սոցիալական ապահովության ծառայության սերվերային սենյակը արդիականացնելու համար համակարգչային սարքավորումներ ձեռք բերելու նպատակով հատկավեց 1 մլն 751 հազար 8 հարյուր դրամ։

2. «Հայաստանի Հանրապետության անտառների վերականգնման և զարգացման» հիմնադրամի լուծարման համար գյուղատնտեսության նախարարությանը հատկացրեց 3 մլն 414 հազար 9 հարյուր դրամ։

3. Գյուղատնտեսության նախարարության «Անասնաբուժասանիտարիայի և բուսասանիտարիայի ծառայությունների կենտրոն»  ՊՈԱԿ-ի ընդհանուր հարկային պարտավորությունների մարման համար հատկացրեց 265 մլն 030 հազար հազար դրամ։ 

4. Վայոց ձորի մարզի Ջերմուկ համայնքի քաղաքային զբոսայգու բարեկարգման, հեծանվաուղու, սանհանգույցների և ոռոգման ցանցի կառուցման ուղղությամբ իրականացվելիք աշխատանքների ֆինանսավորման համար հատկացրեց 393 մլն 61 հազար 9 հարյուր դրամ:

5. Համայնքներին 2018 թվականի պետական բյուջեով արդեն իսկ նախատեսված սուբվենցիաներից բացի այլ սուբվենցիաներ տրամադրելու նպատակով

  • Գեղարքունիքի մարզպետարանին հատկացվեց 19 մլն 12 հազար 8 հարյուր դրամ․
  • Արարատի մարզպետարանին՝ 5 մլն 942 հազար 4 հարյուր դրամ․
  • Արմավիրի մարզպետարանին՝ 16 մլն 154 հազար 4 հարյուր դրամ․ 
  • Կոտայքի մարզպետարանին՝ 5 մլն 328 հազար դրամ․
  • Սյունիքի մարզպետարանին՝ 29 մլն 750 հազար 9 հարյուր դրամ․
  • Վայոց ձորի մարզպետարանին՝ 4 մլն 381 հազար 2 հարյուր դրամ․ 
  • Շիրակի մարզպետարանին՝ 9 մլն 378 հազար դրամ․
  • Արագածոտնի մարզպետարանին՝ 5 մլն 882 հազար դրամ։

6. Հայաստանի Հանրապետության համայնքներին 2018 թվականի պետական բյուջեով արդեն իսկ նախատեսված սուբվենցիաներից բացի այլ սուբվենցիաներ տրամադրելու նպատակով

  • Արմավիրի մարզպետարանին հատկացվեց 3 մլն 344 հազար 4 հարյուր դրամ․
  • Վայոց ձորի մարզպետարանին՝ 4 մլն 147 հազար 5 հարյուր դրամ։

7.Հայաստանի Հանրապետության համայնքներին 2018 թվականի պետական բյուջեով արդեն իսկ նախատեսված սուբվենցիաներից բացի այլ սուբվենցիաներ տրամադրելու նպատակով 

  • Գեղարքունիքի մարզպետարանին հատկացվեց 29 մլն 351 հազար 4 հարյուր դրամ․
  • Կոտայքի մարզպետարանին՝ 10 մլն 836 հազար դրամ․ 
  • Լոռու մարզպետարանին՝ 30 մլն 689 հազար 6 հարյուր դրամ․
  • Արագածոտնի մարզպետարանին՝ 53 մլն 209 հազար 6 հարյուր դրամ․
  • Տավուշի մարզպետարանին՝ 27 մլն 936 հազար դրամ․
  • Վայոց ձորի մարզպետարանին՝ 56 մլն 944 հազար 6 հարյուր դրամ։

8. 2018 թվականի աշխարհի ու Եվրոպայի առաջնություններում և պատանեկան օլիմպիական խաղերում առավել բարձր ցուցանիշների հասած մարզիկներին, մարզիչներին և բժիշկներին դրամական մրցանակներ շնորհելու նպատակով սպորտի և երիտասարդության հարցերի նախարարությանը հատկացվեց 150 մլն 770 հազար դրամ

9. «Հայաստանի կույրերի միավորում» հաշմանդամների հասարակական կազմակերպության անդամ հանդիսացող` աշխատողների միջին ցուցակային թվի առնվազն 50 տոկոս տեսողությունից հաշմանդամ ունեցող անձանցից կազմված ընկերությունների կանոնադրական գործունեության իրականացման արդյունքում վճարված ավելացված արժեքի հարկի և եկամտային հարկի գծով վճարված գումարները փոխհատուցելու նպատակով «Հայաստանի կույրերի միավորում» հաշմանդամների հասարակական կազմակերպությանը տրամադրելու համար Հայաստանի Հանրապետության աշխատանքի և սոցիալական հարցերի նախարարությանը հատկացվեց 51 մլն 389 հազար 6 հարյուր դրամ։

 

Ընդհանուր առմամբ պետբյուջեից դուրս գրվեց 1 մլրդ 227 մլն 461 հազար 700 դրամ։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ