Ոստիկանները սպանել են Ստրասբուրգի հրաձիգին

BFM հեռուստաալիքը հաղորդում է, որ Ֆրանսիայի Ստրասբուրգ քաղաքի սուրբծննդյան տոնավաճառի մոտ դեկտեմբերի 11-ի երեկոյան հրաձգություն իրականացրած 29-ամյա Շերիֆ Չեկատը հինգշաբթի երեկոյան սպանվել է ոստիկանների հետ փոխհրաձգության ընթացքում: Հանցագործը սպանվել է Ստրասբուրգի հարավային մասում գտնվող Նոյդորֆ շրջանում՝ Լազարեթ փողոցում։

Աղբյուրի փոխանցմամբ՝ Չեկատը կրակ է բացել ոստիկանների ուղղությամբ և գնդակահարվել է փոխհրաձգության ժամանակ: BFM-ի հեռարձակած տեսանյութից երևում է, թե ինչպես են դեպքի վայրում հավաքված քաղաքացիները ծափահարություններով ողջունում ոստիկաններին:

«Իսլամական պետություն» ահաբեկչական խմբավորումը ստանձնել է Ստրասբուրգում դեկտեմբերի 11-ի երեկոյան տեղի ունեցած ահաբեկչական հարձակման պատասխանատվությունը։ Այս մասին հայտնում է Reuters-ը գործակալությունը։

Հայտարարվել է, որ Ստրասբուրգի կենտրոնում մարդկանց ուղղությամբ կրակ բացած անձը ԻՊ-ի անդամ էր, սակայն հայտարարության մեջ չի նշվում որևէ փաստարկ, որը կապացուցի, որ նա իսկապես եղել է ահաբեկչական խմբավորման անդամ:

Face au pire, vous avez donné le meilleur. Merci.#Strasbourg pic.twitter.com/nzgBBZR4Fx

— Christophe Castaner (@CCastaner) 13 декабря 2018 г.