Լրատվական կայքերում մեկնաբանություն թողնելու համար հեռախոսահամար կպահանջվի

Բելառուսում կսկսեն հեռախոսահամար պահանջել լրատվական կայքերում մեկնաբանություն թողնելու համար, գրում է lenta.ru-ն: 

«Եթե ինչ-որ մեկը ցանկանում է մեկնաբանություն թողնել, ապա ուղարկում է իր գրառումն այս կամ այն համացանցային ռեսուրսին՝ թողնելով իր հեռախոսահամարը, որից հետո նրան կուղարկվի հատուկ գաղտնաբառ»,- ասել է երկրի տեղեկատվության նախարար Ալեքսանդր Կարլյուկևիչը:

Ըստ նրա՝ ոչ մեկ չի խանգարում մարդուն արտահայտել իր կարծիքը, սակայն «կարևոր է, որ այն չհակասի երկրի օրենքներին», որի փոփոխություններն ուժի մեջ կմտնեն դեկտեմբերի 1-ից:

Օրենքն իրենից ենթադրում է, որ համացանցային ռեսուրսները կարող են հավաքել օգտատերերի անձնական տվյալները՝ անուն-ազգանունը, սեռը, ծննդավայրը, ծննդյան ամսաթիվը, էլեկտրոնային փոստի հասցեն և այլն: Ռեսուրսների սեփականատերերը պետք է պահեն այդ տվյալները և ներկայացնեն միայն դատախազության, դատարանների և այլ մարմինների պահանջով: