69-ամյա հոլանդացին պահանջում է պաշտոնապես «երիտասարդացնել» իրեն

Նիդերլանդներում ապրող թոշակառուն դատարանով ցանկանում է փոխել իր տարիքը։ Նրա կարծիքով՝ «երիտասարդ» դառնալով՝ Tinder ծանոթությունների կայքում նա ավելի մեծ շանսեր կունենա, գրում է BBC-ն։

69-ամյա Էմիլ Ռաթելբանդը ցանկանում է պաշտոնապես փոխել իր ծննդյան ամսաթիվը՝ 1949 թվականի մարտի 11-ից այն դարձնելով 1969 թվականի մարտի 11։ Նա դա համեմատում է սեռը փոխելու հետ։

«Կարելի է փոխել անունը, սեռը, իսկ ինչո՞ւ ոչ տարիքը»,- հոլանդական թերթի հետ զրույցում ասել է նա։

Արնեմի քաղաքային դատարանը պետք  է մեկ ամսվա ընթացքում որոշում կայացնի այս հարցով։

Նշվում է, որ դատարանը գործի հեռանկարներին թերահավատորեն է մոտենում։ Նիդերլանդներում չկա իրավական մեխանիզմ, որը քաղաքացուն թույլ կտա պաշտոնապես փոխել տարիքը։

Ռաթելբանդը դատական հայցում նշում է, որ խտրականության է ենթարկվում իր տարիքի պատճառով, երբ ցանկանում է աշխատանքի ընդունվել կամ հարաբերություններ է որոնում Tinder ծառայությունում։

Emile Ratelband tegen rechter: Ik lijd onder mijn leeftijd https://t.co/T4QVfmfqBx pic.twitter.com/BZtM9SoAoj

— De Gelderlander (@dgarnhem) 5 ноября 2018 г.