09  10  2018

Անձնագրային ինդեքսի համաշխարհային ցանկը․ ՀՀ-ն 80-րդն է

Անձնագրային ինդեքսի համաշխարհային ցանկը․ ՀՀ-ն 80-րդն է

Միջազգային Henley & Partners խորհրդատվական ընկերությունը ներկայացրել է 2018թ․ 4-րդ եռամսյակի համար անձնագրային ինդեքսի աղյուսակը, որի հիմքում առանց մուտքի արտոնագրի ճանապարհորդելու հնարավորությունն է:

Նոր աղյուսակի տվյալների համաձայն՝ ՀՀ-ն 80-րդ հորիզոնականում է՝ 2017թ-ի համեմատ կորցնելով 2 հորիզոնական։ Հայաստանի քաղաքացիներն առանց մուտքի արտոնագրի կարող են այցելել 61 երկիր:

Ցանկի առաջին հորիզոնականում  Ճապոնիան է, որի քաղաքացիները կարող են այցելել 190 երկիր: Առաջատար հորիզոնականներում ընդգրկվել են նաև Սինգապուրը (189), Հարավային Կորեան, Գերմանիան, Ֆրանսիան (188), Դանիան, Ֆինլանդիան, Իտալիան, Շվեդիան, Իսպանիան (187), Նորվեգիան, Բրիտանիան, Ավստրիան, Լյուքսեմբուրգը, Նիդեռլանդները, Պորտուգալիան, ԱՄՆ-ը (186):   

ՀՀ հարևան պետություններից Վրաստանը 50-րդ հորիզոնականում է(112 երկիր), Թուրքիան՝ 51-րդ (111 երկիր), Ադրբեջանը 75-րդն է (66 երկիր):

Աղյուսակի վերջին հորիզոնականներում Պակիստանը, Սոմալին, Սիրիան, Իրաքը, Աֆղանստանն են։

 

 

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ