19 08 2018

Իրանը կվերացնի զբոսաշրջիկների անձնագրերում մուտքի և ելքի կնիքները

Իրանը կվերացնի զբոսաշրջիկների անձնագրերում մուտքի և ելքի կնիքները

Իրանի կառավարությունը մտադիր է չեղարկել արտասահմանցի զբոսաշրջիկների անձնագրերում երկիր մտնելու կամ երկիրը լքելու կնիքներ դնելու կարգը։ Այս մասին գրում է РИА Новости-ն՝ հղում տալով Mehr-ին։

Գործակալության տվյալներով՝ այդ քայլը կապված է Իրանի դեմ ԱՄՆ-ի սահմանած պատժամիջոցների հետ։

Ինչպես հաղորդվում է, իրանական իշխանություններն ակնկալում են այդ քայլով արտասահմանցի զբոսաշրջիկներին ձերբազատել «ցանկացած մտավախությունից»։

Այս նախաձեռնությունն արդեն ողջունել են Իրանի ԱԳՆ-ն, ինչպես նաև արդյունաբերության և առևտրի նախարարությունները։

Ավելի վաղ ԱՄՆ-ի՝ Իրանի հարցով հատուկ ներկայացուցիչ Բրայան Հուքը հայտնել էր, որ Վաշինգտոնը պատրաստ է պատժամիջոցներ սահմանել այն երկրների դեմ, որոնք շարունակում են առևտրային հարաբերություններ պահպանել Թեհրանի հետ։

 

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ