Արայիկ Հարություն­յանի կողմից միջնորդավորված ՀԿ-ներ են հիմնադրվել. «Ժողովուրդ»

«Ժողովուրդ» օրաթերթը գրում է. «Մեր տեղեկու­թյուններով՝ ՀՀ կրթության և գիտու­թյան նախարար Արայիկ Հարություն­յանի կողմից միջնորդավորված հասա­րակական կազմակերպություններ են հիմնադրվել, որոնք զանգահարում են տարբեր ուսումնական հաստատու­թյունների անձնակազմերին և ուսա­նողներին, ասում՝ ինչ բողոքներ ունեք, եկեք, գրեք:

«Ժողովուրդ» օրաթերթն այս հարցի շուրջ փորձեց ստանալ ան­ձամբ նախարար Արայիկ Հարություն­յանի մեկնաբանությունը: Ի պատաս­խան՝ նա նշեց. «Իմ գործունեությունը եղել է չափից դուրս հրապարակային և այդպիսին շարունակում է լինել: Եթե ես հարց եմ ունենում որևէ ռեկ­տորի հետ, զանգում եմ, ուղիղ էդ հար­ցը իրեն տալիս եմ, եթե ռեկտորը խն­դիր է ունենում որևէ բուհում, մեր լիա­զորությունների շրջանակում հա­մապատասխան միջոցներ են ձեռնարկվում, կամ եթե դա իրավապահների միջամտությունների խնդիր է, դիմում ենք իրենց»:

Նշենք, որ Հարու­թյունյանը սոցիալական ցանցում գրել է, թե բազմաթիվ բաց ու փակ նամակ­ների հետքով գնում է Գորիս՝ այնտեղի պետական համալսարանի խնդիրների քննարկման համար»:

Նյութն ամբողջությամբ կարդացեք «Ժողովուրդ» թերթում: