25 07 2018

Պետական վերահսկողական ծառայությունը զբաղվել է աղբահանության խնդրով

«Սանիտեք»-ը պարտավորվել է վերականգնել աղբահանության բնականոն գործընթացը: Այս մասին ֆեյսբուքյան իր էջում գրել է ՀՀ պետական վերահսկողական ծառայության ղեկավար Դավիթ Սանասարյանը:

«Սիրելիներ ջան, բազմաթիվ քաղաքացիների բողոքների հետքերով Պետական վերահսկողական ծառայության աշխատակիցները այսօր զբաղվել են Երևանում աղբահանության թերի կազմակերպման խնդրով, որի մասին ձեզ տեղեկացրել էի երեկվա ֆեյսբուքյան ուղիղ եթերի ժամանակ։

Այսօր առավոտյան մեկնարկած մշտադիտարկման արդյունքում քննարկում է եղել «Սանիտեք»-ի ղեկավարի և քաղաքապետարանի համապատասխան ստորաբաժանման աշխատակիցների հետ։ Առանձնացվել են աղբահանության պատշաճ կազմակերպմանը խոչընդոտող մի շարք պատճառներ, որոնց օբյեկտիվությունը պարզելու նպատակով տեղերում իրականացվել է ուսումնասիրություն (Երևան քաղաքի վարչական շրջանների մի շարք փողոցներ, Նուբարաշենի աղբավայր և աղբահանությունը կազմակերպող ընկերության վարչական տարածք):

«Սանիտեք»-ը պարտավորվել է վերականգնել աղբահանության բնականոն գործընթացը։ Ինչպես նաև պարտավորվել է հնարավորինս սեղմ ժամկետում վերանորոգել շահագործվող տեխնիկան, ավելացնել աղբամանների քանակը և ձեռք բերել նոր աղբատար մեքենաներ։

Հ.Գ. հատուկ ֆեյքերի համար. այս աշխատանքը կատարվել է ոչ աշխատանքային ժամին, առավոտյան ժամը 6-9 ընկած հատվածում, իսկ աշխատանքային ժամը սկսելուց զբաղվել ենք բնականոն մեր գործընթացով։

Սիրելի համաքաղաքացիներ, օգնեք մաքուր պահենք մեր քաղաքը»,- գրել է Դավիթ Սանասարյանը:

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև

Հասարակություն 21 02 2024

Նույնիսկ մայթը աղբամանից չեն կարողանում ազատել․ Հովսեփ Կուբատյան

Այս 6 ամսվա ընթացքում եկել եմ այն համոզմունքին, որ այս մարդիկ պարզապես չեն կարողանում ոչինչ անել․ ավագանու անդամ

Հասարակություն 09 08 2023

Աղբահանություն, տրանսպորտ, էկոլոգիա, գնաճ, խցանումներ․ Երևանի պրոբլեմները՝ ըստ երևանցիների

Ըստ հարցումների, Երևանում խնդիրների մեծ մասը վերջին մեկ տարում խորացել է և ի հայտ են եկել նոր պրոբլեմներ

Մամուլի տեսություն 02 08 2023

Ազատման զանգվածային դիմումներ «Երեւանի աղբահանություն եւ սանիտարական մաքրում» հիմնարկում. «Ժողովուրդ»

«Երեւանի աղբահանություն եվ սանիտարական մաքրում» հիմնարկի տնօրեն Բագրատ Աղաջանյանը ծեծի, հայհոյանքների, ստիպողաբար ավելի աշխատացնելու եւ չվճարելու իր գործելաոճով է հայտնի

Հասարակություն 17 07 2023

Սունդուկյան փողոցը՝ ամառվա շոգին

Աղբատար մեքենաները փչացել են. աղբը փողոցներում մնում է օրերով

Քաղաքական 29 06 2023

Նախկին հաճախորդների «պասերով» խաղը․ վերլուծական

Պարզվեց, որ Դավիթ Սանասարյանը տակավին «գործածության մեջ» է, այսինքն՝ խոր ընդհատակ չի անցել

Հասարակություն 27 05 2023

10 օր անց հաջողվել է մարել Նուբարաշենի աղբավայրում բռնկված հրդեհը

ՀՀ ներքին գործերի նախարարության փրկարար ծառայությունը տասն օր անց մարեց հրդեհը