11  07  2018

«Հայաստան» համահայկական հիմնադրամը նոր տնօրեն կունենա

«Հայաստան» համահայկական հիմնադրամը նոր տնօրեն կունենա

ՀՀ նախագահ, «Հայաստան» համահայկական հիմնադրամի Հոգաբարձուների խորհրդի նախագահ Արմեն Սարգսյանն առաջարկել է հիմնադրամի գործադիր վարչության ղեկավարումը հանձնել Պետրոս Թերզյանին: Վերջինս Հոգաբարձուների խորհրդի անդամ է, Ֆրանսիայի տեղական մարմնի ատենապետ:

Բացի այս, Սարգսյանը հուլիսի 10-ին դիմել է Հոգաբարձուների խորհրդի անդամներին՝ առաջարկելով ընդունել Հիմնադրամի գործադիր տնօրեն Արա Վարդանյանի հրաժարականի դիմումը:

Նախագահը նաև Հիմնադրամի գործադիր տնօրենի թափուր պաշտոնի համար բաց մրցույթ է հայտարարել: Առաջարկվում է Պետրոս Թերզյանի նախագահությամբ հանձնաժողով ստեղծել: Հանձնաժողովի կազմի մեջ նախատեսվում է ընդգրկել նաև Հոգաբարձուների խորհրդի անդամ Ալբերտ Պողոսյանին և ՀՀ նախագահի, վարչապետի, Արցախի Հնարապետության նախագահի մեկական ներկայացուցչի:

Հիշեցնենք, որ հիմնադրամի գործադիր տնօրեն Արա Վարդանյանը հրաժարականի դիմում է գրել՝ չարաշահումների մեղադրանքից հետո:

Սոցիալ դեմոկրատ Հնչակյան կուսակցությունն էլ հայտարարելմ է հիմնադրամի հոգաբարձուների խորհրդից դուրս գալու մասին:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ