Լարսի անցակետում բազմաթիվ հայկական բեռնատարներ են կանգնած արդեն մեկ շաբաթից ավելի

Լարսի անցակետում արդեն մեկ շաբաթից ավելի է, ինչ Հայաստանից ուղևորված բազմաթիվ բեռնատարներ են կուտակվել՝ հիմնականում գյուղմթերքով բեռնված:

Հերթի երկարությունը հասնում է մի քանի կիլոմետրի:

Բեռնատարների վարորդները դժգհում են, որ գյուղմթերքը փչանում է:

ՀՀ տրանսպորտի, կապի և տեղեկատվական տեխնոլոգիաների նախարարությունն էլ տեղեկացնում է, որ Սկուտակումների պատճառը զբոսաշրջային հոսքերն են:

Խնդրի կարգավորման աշխատանքներում ակտիվ ներգրավված են նաև Վրաստանում Հայաստանի Հանրապետության դեսպանատան աշխատակիցները, ովքեր կատարում են ուսումնասիրություններ և օժանդակում քաղաքացիներին: 

Մեր հայրենակիցների հարմարավետության համար, ըստ նախարարության, ստեղծվել է  շուրջօրյա «թեժ գիծ»՝ (010) 59-01-04 հեռախոսահամարով, որը հնարավորություն կտա նախքան ճանապարհ դուրս գալը կատարել ճիշտ պլանավորում և տեղեկատվությունը ստանալ հավաստի աղբյուրներից: