23 08 2023

Ստեփանակերտում երեք օր հերթ են կանգնել ու առանց հաց գնացել տուն

Օրվա հացը չլուծված խնդիր է մնում շատ ընտանիքների համար: Ստեփանակերտում ալյուրի պակասի պատճառով, հացի մի շարք արտադրամասեր դադարեցրել են աշխատանքը: Աշխատողների հարակից տարածքում էլ՝ հերթեր են օրվա բոլոր ժամերին: Հերթերն ավելի են երկարում, երբ արտադրամասերը, ըստ գրաֆիկի, 2 ժամով հոսանքազրկվում են։ Բայց անգամ այս դեպքում՝ հացը բոլորին չի հասնում:

«Շատ դժվար ենք հայթայթում մեր ամենօրյա հացը։ Քանի օր է փուռերում ահավոր հերթեր են, մոտենում է հերթդ, հոսանքն է անջատվում, կամ ասում են՝ ալյուրը վերջացել է»,- ասում է Ստեփանակերտի բնակիչներից Հայկանուշ Եսայանը։

Հայկանուշը երեք օր հերթ է կանգնել, բայց տուն է գնացել առանց հաց։ Ցուցակում՝ 370-րդն է։

Մանրամասն՝ Արցախի հանրային հեռուստատեսության տեսանյութում։

^* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

հաց | Ստեփանակերտ

Դիտել նաև

Մշակույթ 23 02 2024

Ադրբեջանը պետական մակարդակով ոչնչացնում է Արցախի մշակութային ժառանգությունը

Ադրբեջանի մշակութային ցեղասպանության հերթական զոհը՝ Ստեփանակերտի «Անդրանիկ» փողոցում տեղադրված քանդակները