02  12  2019

Կոտայքում 9 հազար մարդ աշխատանք է փնտրում․ սոցապնախարարություն

Կոտայքում 9 հազար մարդ աշխատանք է փնտրում․ սոցապնախարարություն

ՀՀ աշխատանքի և սոցիալական հարցերի նախարարության զբաղվածության պետական գործակալությունը Կոտայքի մարզի Եղվարդ քաղաքում կազմակերպել է աշխատանքի տոնովաճառ: Մասնակցել է տարբեր ոլորտներ ներկայացնող 27 գործատու՝ շուրջ 300 թափուր աշխատատեղով:

Համաձայն սոցապնախարարության, Կոտայքի մարզում աշխատանք փնտրողների թիվը կազմում 9 հազար մարդ, որից մոտ 2300-ը Եղվարդ քաղաքում:

ԱՍՀՆ-ը պնդում է՝ մարզում աշխատանք փնտրողների թիվը նախորդ տարվա համեմատ նվազել է 5.6%- ով:

Տոնավաճառի ընթացքում, ինչպես աշխատանք փնտրողները, այնպես էլ գործատուները հնարավորություն են ունեցել ծանոթանալու Կոտայքի մարզի, մասնավորապես Եղվարդ քաղաքի աշխատաշուկայի իրավիճակին, զբաղվածության աջակցության պետական ծրագրերին:

Եղվարդի աշխատաշուկայում հատկապես մեծ է առողջապահության ոլորտի մասնագետների, դասավանդողների, ֆինանսների և առևտրի բնագավառի աշխատողների, հաճախորդների իրազեկմամբ զբաղված ծառայողների, հանրային սննդի կազմակերպությունների աշխատողների, սննդի վաճառողների և մանածագործական արդյունաբերության բանվորների պահանջարկը:

Եղվարդի զբաղվածության տարածքային կենտրոնի կողմից տարեսկզբից աշխատանքի է տեղավորվել 75 անձ:

 

 

 

 

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ