27  06  2018

Օրակարգում դարձյալ երթուղայինների սակագնի հարցն է

Օրակարգում դարձյալ երթուղայինների սակագնի հարցն է

Հայաստանի ուղևորափոխադրողները նամակ են ուղարկել վարչապետ Նիկոլ Փաշինյանին՝ հրավիրելով իրենց խնդիրների վրա ուշադրություն:

Լրագրողների հետ հանդիպման ժամանակ Հայաստանի փոխադրողների միության նախագահ Հրանտ Եղիազարյանն ասաց, որ Երևանը սպասարկող տրանսպորտային ցանցն անմխիթար վիճակում է, վերջին 3 տարվա ընթացքում 6 երթուղային գիծ է փակվել, եվս երկուսը՝ վերջերս, բայց նորերը չեն բացվել:

Իրավիճակի լուծում նրանք պատկերացնում են սակագնի բարձրացումը, բայց որ ավելացված մասը դոտացիայի ձևով հատկացնի կառավարությունը:

Հրանտ Եղիազարյանը պնդում է, որ 100 դրամ ուղեվարձը չի բավարարում առկա կարիքները: Համաձայն դրսի մասնագետների հաշվարկների՝ միկրոավտոբուսներով ուղևորության նորմալ գինը 152 դրամն է, գազով աշխատող ավտոբուսներինը՝ 202 դրամ:

Հիշեցնենք, որ հունիսի 27-ից չի գործում թիվ 11 միկրոավտոբուսային երթուղին:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ