Թորոսյանը կորոնավիրուսի արագ տարածվելու հիմնական պատասխանատուներից է. Սամսոնյան

«Քաղաքացիական գիտակցություն» ՀԿ նախագահ Նարեկ Սամսոնյանը ֆեյսբուքյան իր էջում գրել է․

«Միջին վիճակագրական ընտանիքների երեխաների և Արսեն Թորոսյանի երեխաների տարբերությունը
#աղքատների_փողերը_լափողները

Ինչպես երեկ խոստացել էի հերթով ձեր դատին եմ հանձնում ձեր/մեր բոլորիս ընտանիքներից ահռելի մեծ չափերի փողեր լափած պաշտոնյաների անուններն ու լափածի չափերը: Այսօր հերթը Առողջապահության նախարար Արսեն Թորոսյանինն է:
 

Արսեն Թորոսյանն անցած տարվա ընթացքում պետական բյուջեից ստացել է 15.000.000 դրամ (շուրջ 30.000$) պարգևավճար: Իր կողմից կատարվող թալանը հիմնավորելու և մյուս աշխատակիցների ձայները կտրելու համար էլ Թորոսյանը 65.000.000 (շուրջ 130.000$) է հատկացրել նախարարության բարձրաստիճան պաշտոնյաներին: Սա այն դեպքում, երբ Հայաստանում աղքատությունը բնակչության գրեթե կեսի դռներին չոքած է, այն դեպքում, երբ բազմաթիվ ընտանիքներ այս օրերին սկսում են տարրական պարենային խնդիրների առաջ կանգնել: Արսեն Թորոսյանը լավ հայր է իր երեխաների համար, քանի որ նրանց լավ է պահում, բայց նա այդ ամենն անում է այլ երեխաներից բացահայտ թալանելով:
 

Արսեն Թորոսյանը նաև կորոնավիրուսի համավարակի` Հայաստան ներթափանցելու և այսպիսի արագ տեմպերով տարածվելու հիմնական պատասխանատուներից է:
 

Դեմքով ճանաչեք ձեր աղքատ գրպանից տասնյակ հազարավոր դոլարներ թալանած տականքներին և պատրաստ եղեք, որ մոտ ապագայում բոլորով նրանցից ետ ենք ստանալու ձեր երեխաների փողերը:
#աղքատների_փողերը_բկներիդ_ա_կանգնելու
#չեք_մարսելու_չենք_թողնելու
#փողոցով_չեք_կարողանալու_քայլել»։