Փենինգթոնն ասել է, որ Լևոն Տեր-Պետրոսյանի պլանը հենց ցույցերն էին. Գեղամ Նազարյան

Բնական է, որ այս վիկիլիկսյան հրապարակումները մեծ  հետաքրություն առաջացրեց հանրության շրջանում: Այս մասին «Մարտի 1-ի գործը հետհեղափոխական Հայաստանում» խորագրով կոնֆերանսի ժամանակ ասաց «Այլընտրանքային նախագծեր» խմբի անդամ Գեղամ Նազարյանը:

«Հետաքրքրություն առաջացրեց, որովհետև ամերիկայն դիվանագետները շատ  ուշադիր հետևում էին այդ ժամանակ Հայաստանում տեղի ունեցող իրադարձություններին, և մենք այսօր կարող ենք ասել, որ չեզոք կողմի կարծիքը մեծամասամբ թույլ է տալիս ավելի հանգիստ վերլուծել, թե ինչ է իրականում տեղի ունեցել 2008 թվականի մարտի մեկին  Հայաստանում: Անհրաժեշտ է ընդգծել, որ ամերիկյան կողմը չափազանց մեծ ուշադրությամբ է հետևել  նախընտրական և հետընտրական զարգացումներին, ունեցել է տեղի ունեցող իրադարձությունների ամբողջական պատեկերը, եղել է մշտական կապի մեջ թե՛ ընդդիմության, թե՛ այդ ժամանակ իշխանության ներկայացուցիչների հետ: Անաչառ քննարկումների համար ճիշտ կլինի, որ նայենք չեզոք կողմի տեսակետները և սրանով վիկիլիկսյան հրապարակումներն ավելի են կարևորովում»: