24  02  2020

Ժողովուրդը գազազած շո՞ւն է Փաշինյանի համար. «ֆո՛ւ» և «ֆա՛ս» հրամաններին սպասելիս․ Անդրանիկ Թևանյան

Ժողովուրդը գազազած շո՞ւն է Փաշինյանի համար. «ֆո՛ւ» և «ֆա՛ս» հրամաններին սպասելիս․ Անդրանիկ Թևանյան

Քաղաքագետ Անդրանիկ Թևանյանն ֆեյսբուքյան էջում գրել է․

«Հ1–ին տված հարցազրույցում Նիկոլ Փաշինյանը շատ վտանգավոր միտք հնչեցրեց և ամբողջությամբ ներկայացրեց «թավշյա» իշխանության նեոբոլշևիկյան դեմքը։

Ըստ նրա՝ միայն կառավարության շնորհիվ է, որ ժողովուրդը ինքնադատաստան չի իրականացրել «սևերի» նկատմամբ։ Սա բառացի մեջբերում չէ, բայց ասածը սա էր։

Փաստորեն, ստացվում է, որ Փաշինյանը ժողովրդին համարում է գազազած շուն, որի վզից պարան է գցած ու այդ պարանն իր ձեռքում է։ Հենց որ ուզի, շանը կարող է «ֆա՛ս» հրամանը տալ։ Առայժմ «ֆո՛ւ» հրամանն է տվել, այսինքն՝ դեռ քսի չի տվել իր հակառակորդների դեմ ու պարանը ձիգ է պահում։

Վարչապետը դասական ամբոխավար է։ Նա «ժողովուրդ» ասելիս ամբոխը նկատի ունի։ Ի դեպ, այդ ամբոխը նա արդեն չունի և դա է պատճառը, որ ցանկանում է սեփականաշնորհել դատական համակարգն ու վարչաուժային լծակներով ապահովել աթոռը։

«Ժողովուրդ» բառի հաճախակի օգտագործումը նրան պետք է անտուրաժի համար։ Որպես գազազած շան պատկերավոր նկարագրություն։

Փաշինյանի սիրտը սեփականության վերաբաշխում ու սեփական ձեռքերում կապիտալի կուտակում է ուզում։ Ցմահ իշխանություն ու բյուջետային մսխումներ է ուզում։ Եվ նա ամեն ինչի պատրաստ է՝ հանուն ցմահ իշխանության։ Ընդհուպ մինչև քաղաքացիական պատերազմ հրահրելու, մարդկանց իրար դեմ հանելու գնով։ Չէ՞ որ նա հարուստ փորձ ունի։ 2008–ի մարտի 1–ի փորձը»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Orphus համակարգ