Ռուստամ Բադասյանի կինը Լենա Նազարյանի գրասենյակի աշխատակից է․ Մալյան

«ՎԵՏՕ» նախաձեռնության ղեկավար Նարեկ Մալյանը գրում է․

«Շատերը արդեն գիտեն, որ Ռուստամ Բադասյանի Արդարադատության նախարար նշանակվելուց անմիջապես հետո նրա կինը` Տաթևիկ Սարգսյանը հիմնադրել է իրավաբանական ծառայություններ մատուցող ընկերություն: Անշուշտ գովելի է նախարարի բիզնես տեսանկյունից արագ կողմնորոշվելու հատկությունը, սակայն քչերը գիտեն, որ նախարարի կինը նաև պետական աշխատող է: Մասնավորապես Տաթևիկ Սարգսյանը, ԱԺ պաշտոնական կայքի տվյալներով, հանդիսանում է ԱԺ փոխնախագահ Լենա Նազարյանի գրասենյակի աշխատակից և բիզնես գործունեությանը զուգահեռ նաև աշխատավարձ է ստանում պետական բյուջեից:

Թե որքանով է համատեղելի բիզնեսը և պետական աշխատանքը թողնում եմ կոռուպցիայի գծով փորձագետների և լրագրողների քննարկմանը:#կոռուպցիան_էր_զանգել

 Արդարադատության նախարարի կնոջ՝ Տաթևիկ Սարգսյանի կողմից դեկտեմբերի 30-ին մուտք արված հայցադիմումը սուպերարագությամբ վարույթ է ընդունվել և արդեն նույնիսկ մակագրվել է կոնկրետ դատավորի: Սա այն դեպքում, երբ ես նույնիսկ չեմ ստացել հայցադիմումի իմ օրինակը և բացարձակ պատկերացում չունեմ՝ ինչ են ցանկանում Ռուստամ Բադասյանը և նրա տիկինը ինձանից»։