21  11  2019

Զախարովան՝ Արցախի հարցով բանակցային գործընթացի այլ ձևաչափի մասին



ՌԴ ԱԳՆ ներկայացուցիչ Մարիա Զախարովան, ճեպազրույցի ընթացքում անդրադառնալով ԼՂ հակամարտության կարգավորման գործընթացի կողմերին, նշել է․

«Համանախագահների հայտարարություններում բազմիցս ընդգծվել է, որ ԼՂ հիմնախնդրի կարգավորման ծրագիրը պետք է համապատասխանի բոլոր ներքին տեղահանված անձանց և փախստականների իրավունքին՝ վերադառնալու իրենց նախկին բնակության վայրեր՝ նախքան հակամարտության։

Ինչ վերաբերում է բանակցային գործընթացի ձևաչափին, այդ հարցը որոշում են այն երկրները, որոնք պետք է համաձայնեցնեն մասնակիցների կազմը: Ներկա պահին բանակցային գործընթացն ընթանում է Ադրբեջանի և Հայաստանի ղեկավարների մակարդակով, և եթե համապատասխան կամ որևէ այլ պայմանավորվածություններ ձեռք բերվեն երկու պետությունների միջև, մենք մեր կողմից կաջակցենք այդ պայմանավորվածություններին»։

 Զախարովայի ելույթի՝ ԼՂ-ին վերաբերող հատվածը կարող եք դիտել 42:30 րոպեից:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ