10  10  2019

Թուրքիայի ներխուժման ընթացքում ՀՀ-ն կշարունակի առաքելությունը Սիրիայում

Թուրքիայի ներխուժման ընթացքում ՀՀ-ն կշարունակի առաքելությունը Սիրիայում

ՀՀ վարչապետ Նիկոլ Փաշինյանը կառավարության հոկտեմբերի 10-ի նիստում անդրադարձավ Թուրքիայի՝ Սիրիա ներխուժմանը՝ նշելով, որ Հայաստանի Հանրապետությունը դատապարտում է ներխուժման այդ գործողությունը եւ մտահոգված է իրավիճակով, որովհետեւ այդ գործողությունն էլ ավելի կխորացնի Սիրիայում մարդասիրական ճգնաժամը: 

«Մենք կոչ ենք անում միջազգային հանրությանը գործուն միջոցներ ձեռնարկել այդ ապօրինի գործողությունը դադարեցնելու եւ Թուրքիայի սահմանի երկայնքով Սիրիայի քաղաքացիների, այդ թվում ազգային փոքրամասնությունների ներկայացուցիչների իրավունքները պաշտպանելու ուղղությամբ:

Այս առումով ուզում եմ ընդգծել, ինչպես տեղյակ եք ՀՀ-ն Սիրիայում հաջողությամբ իրականացնում է մարդասիրական առաքելություն, եւ մենք կշարունակենք այդ առաքելության իրականացումը:

Իմաստ ունի, որ այսօրվա կառավարության նիստի օրակարգի սպառումից հետո մենք դռնփակ ռեժիմում քննարկում անենք եւ մտքեր փոխանակենք Սիրիայի հյուսիսում ստեղծված իրավիճակի, հնարավոր զարգացումների եւ մեր դիրքորոշումների վերաբերյալ»,- նշեց վարչապետը։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Orphus համակարգ