Հատուկ ԱԺ «իմքայլական» պատգամավորի համար

03․10․2019թ․ «Ի վերջո, Արփինե Հովհաննիսյանն այն արդարադատության նախարարն է, ում օրոք Արթուրը մահացավ, «Հաց բերողը» մահացավ։ Ես խնդրում եմ՝ իրավական դաշտ մտեք, նոր՝ բնարոյական»,- հոկտեմբերի 3-ին լրագրողներին ասաց ԱԺ պատգամավոր Քրիստինե Պողոսյանը՝ անդրադառնալով Անդրանիկ Քոչարյանի՝ Արփինե Հովհաննիսյանին վիրավորելուն։

09․10․2019թ․ Բարձրագույն դատական խորհուրդը Երևան քաղաքի ընդհանուր իրավասության դատարանի նախագահ ընտրեց Արթուր Պետիկի Մկրտչյանին։ Նա ընտրվեց միաձայն՝ 40-ից ավելի թեկնածուի պարագայում։

Հիշեցնենք, որ Արթուր Մկրտչյանը «Հաց բերող» Արթուր Սարգսյանին երկրորդ անգամ կալանավորող դատավորն էր։ Այդ կալանքից հետո նա հացադուլ հայտարարեց, և արդյունքում մահացավ։

Վաղուց ի վեր կա այդ երևույթը, որ համակարգում բոլոր թերությունների, դատապարտելի արարքների համար մեղավոր ենք համարում առաջին հերթին ոլորտի ղեկավարին կամ պետության ղեկավարին։ «Նոր Հայաստանում» մեկ այլ թեզ է շրջանառվում՝ բարեկամդ վատ բան է արել, պետք է հրաժարական տաս։ Օրինակ՝ Հրայր Թովմասյանի սանիկը քրեական հետապնդման է ենթարկվում, ուրեմն մեղավոր է նաև ՍԴ նախագահը կամ Հրայր Թովմասյանը պետք է պաշտոնանկ արվի, ուրեմն սանիկը հանցանք է գործել։

Այժմ, Քրիստինե Պողոսյանի տրամաբանությունը շարունակելով, փաստենք․ Նիկոլ Փաշինյանն այն վարչապետն է, ում օրոք հաց բերողին կալանավորած և մահվան դուռը հասցրած դատավորը միաձայն ընտրվեց դատարանի նախագահ։

Հանուն արդարության, փաստենք, որ նա դատարանի նախագահ ընտրվեց ոչ թե «Հաց բերող»-ին մահվան դուռը հասցնելու համար, այլ՝ Ռոբերտ Քոչարյանին կալանավորելու որոշումն անփոփոխ թողնելու։