16  09  2019

Փաշինյանի դստերը նկարահանելու համար գալիս են մեքենաս զննելու․ Նարեկ Սամսոնյան

Փաշինյանի դստերը նկարահանելու համար գալիս են մեքենաս զննելու․ Նարեկ Սամսոնյան

«Քաղաքացիական գիտակցություն» ՀԿ նախագահ Նարեկ Սամսոնյանը ֆեյսբուքյան ուղիղ եթերում հայտնել է, որ ոստիկանությունն այս պահին պատրաստվում է խուզարկել իր մեքենան.

«Հրազդան հյուրանոցի մոտից դուրս էի գալիս, երբ ականատես եղա, թե ինչպես է Նիկոլ Փաշինյանի դուստրը մի տղայի հետ թիկնազորով քայլում, ես առանց վարանելու նկարել եմ: Հասա տուն, աներոջս զանգահարած է լինում ոստիկանության ԳԱԻ-ի պետի տեղակալը, և հիմա գալիս են իմ մեքենան զննելու:

Հրաժարվելու եմ թույլ տալ մեքենաս զննել, քանի որ ոստիկանությունը Նիկոլ Փաշինյանի պոլի շորն է, և տեսանկարահանման համար գալիս են մեքենաս զննելու: Ես երբեք չեմ տեսել, որ որևէ ղեկավարի դուստր փողոցում զբոսնելիս ոստիկանների ուղեկցությամբ լինի: Ես գտնվում եմ Կոմիտաս 48 ա շենքում, հրավիրում եմ լրագրողների»,-ասաց Սամսոնյանը:

Ֆեյսբուքյան էջում գործիչն ավելի ուշ հրապարակել է այդ տեսանյութը։

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ