11  09  2019

«Տռուսիկ-մայկայի» պատմությունը գեներալին ստիպում է դուրս գալ փողոց․ Politik.am

«Տռուսիկ-մայկայի» պատմությունը գեներալին ստիպում է դուրս գալ փողոց․ Politik.am

Politik.am-ը գրում է․ «Վաղը Երևանի ընդհանուր իրավասության դատարանում տեղի կունենա Հայաստանի երկրորդ նախագահ Ռոբերտ Քոչարյանի և մյուսների գործով առաջին դատական նիստը, որը կսկսվի ժամը 13։00-ին։

Դատականի նիստից օրեր առաջ դատարանի մուտքի մոտ նստացույց են սկսել պաշտոնաթող նախագահ Քոչարյանի աջակիցները։ Նրանք պահանջում են, որպեսզի դատարանը կյանքի կոչի ՍԴ հայտնի որոշումը և անհապաղ ազատ արձակի Ռոբերտ Քոչարյանին։

Քոչարյանի ազատ արձակման դեմ բողոքի ակցիա են փորձում իրականացնել նաև առաջին նախագահ Լևոն Տեր-Պետրոսյանի թիմակից գեներալ Գագիկ Մելքոնյանը։

Հիշեցնենք, որ նույն Գագիկ Մելքոնյանը Ռոբերտ Քոչարյանի նախագահության տարիներին զբաղեցրել է ՀՀ ԶՈՒ թիկունքի պետի պաշտոնը։ Ի դեպ վարչապետ Փաշինյանը ամիսներ առաջ հայտարարեց, թե այդ տարիներին զինվորների «տռուսիկ-մայկաները» գողացել են։ Ըստ էության Փաշինյանը անուղղակի կերպով մեղադրեց հենց Գագիկ Մելքոնյանին, քանի որ զինվորների սննդի և հագուստի պատասխանատուն ի պաշտոնե ինքն է եղել։ Փաշինյանը իր խոսքում նաև չբացառեց, որ զինվորների հասանելիքը գողացողները կարող են պատժվել։

Ըստ ամենայնի Գագիկ Մելքոնյանը վաղվա ակցիայով փորձում է երկրի վարչապետի համար հաճելի ֆլեշմոբ կազմակերպել և ապահովել իր պաշտոնավարման տարիների մութ պատմություններին չանդրադառնալու որոշում։ Մելքոնյանը լավ է հասկանում, որ  վարչապետ Փաշինյանը անձնական վրեժ ունի երկրորդ նախագահ Ռոբերտ Քոչարյանի նկատմամբ և վստահ է, որ վարչապետը կգնահատի գեներալի անձնուրաց ակտիվիստի նվիրվածությունը և այլևս չի խոսի զինվորներից գողացված «տռուսիկ-մայկաներից»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ