11  09  2019

Իշխանությունը տնտեսական արդյունք չի ապահովելու, անգրագետ է․ Անդրանիկ Թևանյան



«Դատարանները շրջափակելու կոչից և ՍԴ վրա հարձակումից հետո Քոչարյանի գործն այլևս դառնում է իրավունքի խնդիր և՝ համապետական մակարդակով։ Այսինքն, զուտ նախագահ Քոչարյանի խնդիրը չէ սա, այլ դատական իշխանության հարց է»,- Yerevan Today-ի հետ զրույցում ասաց «Պոլիտէկոնոմիա» հետազոտական ինստիտուտի տնօրեն Անդրանիկ Թևանյանը։

«Միայն գաղտնալսումները բավարար էին հասկանալու համար, որ դատական անկախ համակարգ ունենալու խոստումները իշխանությունները զուտ որպես խոստում են տվել»,- ասաց նա։

Հարցը, ըստ մեր զրուցակցի, իրավական հարթությունից դուրս է․ գործը քաղաքական է, քաղաքական պատվերի շրջանակներում, և հանգուցալուծումը լինելու է քաղաքական դաշտում․ «ՍԴ որոշումից հետո պետք է անհապաղ նիստը լիներ, և կալանքի հետ կապված որոշում։ Քանի որ դա չի եղել, ուրեմն նորից արձանագրում ենք, որ խնդիրը քաղաքական դաշտում է»։

Իշխանությունը, ըստ Թևանյանի, փորձում է ժամանակ ձգել հասարակությանն այլ կերակրով ապահովելու համար։ Գործող կառավարությունն ուղղակի անկարող է արդարացնել այն սպասումները, որ կային հասարակության մոտ։

«Կառավարությունն ընդամենը տեսարանով է զբաղված, բայց դա երկար չի կարող տևել, որովհետև հաշվետվություններ ներկայացնելու ժամանակը գալիս է։ Մարդիկ հեղափոխություն չեն արել մեկ անձի անձնական քմահաճույքները բավարարելու և անձնական վրրեժ լուծելու հմար։ Դրանից հասարակությունը ոչինչ չի շահում։ Առանձին կալանավորումները, ձերբակալությունները, հետապնդումները ցույց են տալիս, որ հասարակությունն էլ էդ ուտելիքը չի ուտում։ Հասարակությանը կոնկրետ արդյունքներ են պետք տնտեսական կյանքի, իրենց ասած տնտեսական հեղափոխության, որը չեն կարողանում ապահովել։ Չեն էլ կարողանալու, որովհետև իրենք անկարող են ու անգրագետ, իրենք չունեն կառավարչական հմտություններ և տեսլական, թե ինչ են ուզում ստանալ»։

Մանրամասն՝ տեսանյութում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ