06 08 2019

Իրենց թվում է՝ իրենց փոխարինող չկա․ վարչապետի խորհրդականը՝ «Պոբեդայի» մասին

Իրենց թվում է՝ իրենց փոխարինող չկա․ վարչապետի խորհրդականը՝ «Պոբեդայի» մասին

Ավիացիայի հարցերով ՀՀ վարչապետի խորհրդական Հակոբ Ճաղարյանը, ֆեյսբուքյան էջում անդրադառնալով «Պոբեդա» ավիաընկերության հետ կապված լուրերին, գրել է․

«էսօր ռուսական լոուքոստեր, բայց իրականում ոչ էդքան լոուքոստ աշխատող «Պոբեդա» ավիաընկերությունը ազդարարել է ձմեռային սեզոնից իր թռիչքների դադարեցման մասին:

Պատճառաբանումը, իբր ավիավառելիքի թերլիցքավորումը, համոզված եմ, հիմնավորված չի:

Կարող եմ եզրակացնել մինիմում երեք տարբերակ`

1. Ավիացիոն շուկայում գաղտնիքները երկար չեն մնում որպես գաղտնիք: Եվ ինչ-որ ճանապարհով նրանց հասած RyanAir-ի սուբսիդավորման պահանջներից հետևություն են արել, որ իրենք էլ կարող են պահանջել:

2. Որոշել են իրենք էլ օգտվեն դեպի Երևան թռիչքներ կատարելու առաջարկներից:

3. Ի՞նչ իմաստ ունի ձմեռվա ցածր սեզոնին էժան գներով տոմս վաճառել, երբ գարնան խոպանի սեզոնին նորից կարող են բացվել ու անել իրենց ալաֆը: Իրենց թվում է, որ իրենց փոխարինող չկա:

Կան էլի բազմաթիվ հիմնավորումներ: Բայց դրանց մասին քիչ ուշ:

Նավթի թերլիցքավորումը չի կարող պատճառ հանդիսանալ: Նախ` բացի նրանցից ոչ ոք դրա մասին տեղեկություն չի հաղորդել: Հետո` նրանք Գյումրիյում լիցքավորել են ընդամենը մոտ 3 տոննա նավթ: Էդ ինչքա՞ն պիտի իրենց խաբեին ստանդարտներին համապատասխանող սարքավորումները, որ էդքան զգալի լիներ ազդեցությունը:

Այ սա է օտար ընկերություննեերի վրա հույս դրած ապրելը:

Մնացածը, համոզված եմ, բացատրելու կարիք չկա»:

Հիշեցնենք, որ ՀՀ Քաղավիացիայի կոմիտեն հայտարարել էր, որ «Պոբեդա» ընկերությունից դեպի Գյումրի չվերթները դադարեցնելու մասին ծանուցում չի ստացել։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ