01 08 2019

ԼՂ հակամարտության կողմերին կոչ ենք անում հրաժարվել ուժի կիրառումից․ Զախարովա

ԼՂ հակամարտության կողմերին կոչ ենք անում հրաժարվել ուժի կիրառումից․ Զախարովա

Ռուսաստանի ԱԳՆ պաշտոնական ներկայացուցիչ Մարիա Զախարովան մեկնաբանել է հայ-ադրբեջանական սահմանի լարվածության աճը։

«Հայ-ադրբեջանական սահմանին լարվածության սրման հարցով մտահոգված ենք: Այն հակասում է հրադադարի ռեժիմի պահպանման վերաբերյալ ձեռք բերված պայմանավորվածություններին և հակամարտությունը քաղաքական ճանապարհով կարգավորելու վերաբերյալ հայտարարություններին», - ասել է Զախարովան՝ ցավակցելով զոհված զինածառայողի հարազատներին և առողջություն մաղթելով տուժած զինվորներին։

Զախարովան հակամարտության մասնակիցներին  հորդորել է զերծ մնալ իրավիճակի հետագա սրումից, հրաժարվել ուժի կիրառումից և միջոցներ ձեռնարկել իրավիճակի կայունացման համար:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ