09  07  2019

Դիմում եմ Վալերի Օսիպյանին և Սուրեն Պապիկյանին․ Կարեն Քոչարյան

Դիմում եմ Վալերի Օսիպյանին և Սուրեն Պապիկյանին․ Կարեն Քոչարյան

Քաղտեխնոլոգ Կարեն Քոչարյանը ֆեյսբուքյան իր էջում գրել է.

«Այսուհետ ես անընդհատ գրելու եմ այս թեմայի մասին, մինչև հարցը ինչ-որ չափով լուծում չստանա: Այսօր ես դիմում եմ ՀՀ ոստիկանապետ Վալերի Օսիպյանին և ՀՀ տարածքային կառավարման, էներգետիկայի և տրանսպորտի նախարար Սուրեն Պապիկյանին:

Հարգելի պարոն Պապիկյան և պարոն Օսիպյան

Վերջին տարիներին Հայաստան տարեկան մտնում է 50000-ից ավելի ավտոմեքենա: Այսինքն օբյեկտիվորեն երթևեկությունը օր-օրի ծանրաբեռնվում է: Եվ, բնական է, որ այս պայմաններում հսկողությունը պետք է ավելի ուժեղանա: Վերջին օրերի ողբերգական դեպքերը չպետք է դառնան հերթականը: Անհրաժեշտ է

1. Վերականգնել հանրապետության ողջ ավտոպարկի ոչ ֆորմալ տեխզննության ինստիտուտը:

2. Մարդատար ավտոտրանսպորտի բոլոր վարորդների (տաքսիներ, երթուղայիններ, ավտոբուսներ) համար սահմանել ինչպես մասնագիտական, այնպես էլ առողջական չափանիշներ:

3. Վերանայել բոլոր մարդատար երթուղիների լիցենզիաները և արտոնագիր ստանալու համար սահմանել հատուկ չափանիշներ այդ երթուղիներում աշխատող տրանսպորտային միջոցների և վարորդների համար:

4. Խստացնել ոստիկանական հսկողությունն՝ ինչպես բնակավայրերում, այնպես էլ մայրուղիներում:

5. Սկսել լայնածավալ կրթական և քարոզչական աշխատանք ինչպես վարորդների, այնպես էլ հետիոտնի հետ (այսինքն ողջ ազգաբնակչության հետ) բոլոր հարթակներում՝ սկսած մանկապարտեզից և դպրոցից, վերջացրած հեռուստատեսությունով և սոցցանցերով»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ