20 06 2019

Զոհրաբ Մնացականյանը Թրամփի խորհրդականի հետ քննարկել է Արցախի հարցը

Զոհրաբ Մնացականյանը Թրամփի խորհրդականի հետ քննարկել է Արցախի հարցը

ՀՀ արտգործանախարար Զոհրաբ Մնացականյանը Վաշինգտոն այցի ընթացքում հանդիպել է ԱՄՆ նախագահի ազգային անվտանգության հարցերով խորհրդական Ջոն Բոլթոնի հետ: Այս մասին նա հայտնել է թվիթերյան էջում։

«Գոհ եմ Բոլթոնի հետ Լեռնային Ղարաբաղի հակամարտության խաղաղ կարգավորման գործընթացի շուրջ դրական, ծավալուն եւ հետաքրքիր քննարկումից: Քննարկել ենք Հայաստանի եւ տարածաշրջանային խաղաղության եւ անվտանգության հարցերը, ինչպես նաեւ ԱՄՆ-ի եւ Հայաստանի միջև երկկողմ համագործակցությունը: ԱՄՆ-ը որպես ԵԱՀԿ Մինսկի խմբի համանախագահող երկիր կարեւոր դեր է խաղում՝ Ռուսաստանի եւ Ֆրանսիայի հետ միասին»,-գրել է Մնացականյանը: 

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ