18  06  2019

Անդրանիկ Քոչարյանն «աբիժնիկ» է մնացել. Մենուա Հարությունյան



«Ինչու՞ մեկ տարի հետո ստեղծվեց Ապրիլյանի քննիչ հանձնաժողովը, արդյո՞ք այն բանից հետո, երբ Փաշինյանը հայտարարեց, որ Արցախում թշնամիներ կան, թե՞ երբ Ալիևը պահանջեց ռեալ քայլեր Արցախի հարցում»,- լրագրողների հետ հանդիպման ժամանակ հայտարարեց ազատամարտիկ Վոլոդյա Հովհաննիսյանը:

Հովհաննիսյանն անդրադարձավ նաև իմքայլական պատգամավորներից մեկի այն հայտարարությանը, թե մենք պարտվել ենք պատերազմում, քանի որ ունենք զոհեր: «Ես չգիտեմ, դա անգրագիտություն, զավեշտ, թե ազգի նկատմամբ դավաճանություն ասեմ: Անգամ ծիծաղել չի կարելի, քանի որ դա քաղաքական գործիչ է ասում»,- վրդովվեց ազատամարտիկը:

Հովհաննիսյանի դիտարկմամբ՝ քննիչ հանձնաժողովի կազմը ևս տարակարծությունների տեղիք է տալիս: «Նայեցի հանձնաժողովի կազմը և ծիծաղեցի: Մարդը, ով ստամոքսի խոցի պատճառաբանությամբ մինչև 26 տարեկանը չի ծառայել, հետո երկրորդ երեխան ծնվել է և ինքն ազատվել է բանակից, այսօր քննիչ հանձնաժողովի կազմում է»,- ընդգծեց ազատամարտիկը՝ միևնույն ժամանակ կասկածի տակ դնելով հանձնաժողովի նախագահ Անդրանիկ Քոչարյանի ռազմավարական ունակությունները՝ պատերազմի հետ կապված խնդիրների վերհանման գործում:

Անդրադառնալով Անդրանիկ Քոչարյանին՝ քաղաքական վերլուծաբան Մենուա Հարությունյանն էլ ասաց. «Գիտեք ինչու՞ է Անդրանիկ Քոչարյանն այդ հանձնաժողովի նախագահը, որովհետև նա հոկտեմբերի 27-ից հետո ուզեցել է դառնալ վարչապետ, Ռոբերտ Քոչարյանը չի թողել և ինքն էլ աբիժնիկ մնալով՝ հիմա ուզում է վրեժ լուծել»,- եզրափակեց Հարությունյանը:

Մանրամասն՝ տեսանյութում:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ