10 06 2019

«Աբովյանը «ոչ» ասեց Փաշինյանին․ քաղաքագետ

«Աբովյանը «ոչ» ասեց Փաշինյանին․ քաղաքագետ

Շիրակի պետական համալսարանի դասախոս, քաղաքագետ Գագիկ Համբարյանը ֆեյսբուքյան էջում անդրադարձել է Աբովյանում ՏԻՄ ընտրություններին։

«Աբովյանը «ոչ» ասեց Փաշինյանին․

Հայաստանի 23 համայնքներում տեղի են ունեցել ՏԻՄ ընտրություններ, սակայն հասարակության ուշադրության կիզակետում Կոտայքի մարզի խոշորագույն Աբովյան քաղաքում տեղի ունեցած համայնքապետի ընտրություններն էին, որտեղ առաջադրված 5 թեկնածուներից հիմնական պայքարն ընթանում էր գործող քաղաքապետ Վահագն Գևորգյանի, ում պատշպանում էր ԲՀԿ նախագահ Գագիկ Ծառուկյանը և իշխանությունների կողմից առաջադրված Գրիգոր Գուլյանը, որի քարոզարշավին մասնակցեց ՀՀ վարչապետ Նիկոլ Փաշինյանը։

Վերջին տեղեկությունների համաձայն Աբովյանի քաղաքապետի աթոռի համար պայքարում հաղթանակ է տարել գործող քաղաքապետ Վահագն Գևորգյանը։

Այսպիսով, աբովյանցին «ոչ» ասեց գործող իշխանություններին։ Այս ընտրություններում Փաշինյանի պարտության բացասական հետևանքերն ավելի լուրջ են լինելու, որին կանդրադառնամ ավելի ուշ։

Հունիսի 9-ի Աբովյանի քաղաքապետի ընտրություններին 44600 ընտրողից մասնակցել է 18175-ը՝ ընտրողների 40.83 %-ը։ Իմ ունեցած տեղեկությունների համաձայն գործող քաղաքապետը ստացել է 8080 ձայն, իսկ իշխանությունների թեկնածուն՝7770։

Հ.Գ. 2018 թ-ի ԱԺ արտահերթ ընտրությունների ժամանակ ընտրություններին մասնակցած 19947 աբովյանցիներից 13312 իր ձայնը տվել էր ՔՊ-ին, իսկ 3719՝ ԲՀԿ-ին»։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ