01  06  2019

Թույլ չպետք է տալ Ադրբեջանի, Թուրքիայի և գրանտակեր ուժերի ակտիվացումը․Շարմազանով

Թույլ չպետք է տալ Ադրբեջանի, Թուրքիայի և գրանտակեր ուժերի ակտիվացումը․Շարմազանով

ՀՀԿ մամուլի խոսնակ Էդուարդ Շարմազանովը ֆեյսբուքյան էջում նկատում է՝ վերջին շրջանում Ադրբեջանից հաճախացել են հակահայկական հայտարարությունները: Նա գրում է․

«Հունիսի 7-11-ը Նախիջեւանում նախատեսվում է կազմակերպել թուրք-ադրբեջանական տակտիկական զորավարժություններ ՝ մարտական կրակաերթի կիրառմամբ:

Վեջին մեկ ամսվա ընթացքում սա երկրորդ թուրք-ադրբեջանական զորավարժություններն են եւ ակնհայտ է, որ սա ուղղված է հայկական երկու հանրապետությունների դեմ :

Նախորդ մեկ տարվա ընթացքում թուրք-ադրբեջանական տանդեմը ակտիվացել էր Նախիջեւանի հատվածում:

Սա բացահայտորեն չի կարող չմտահոգել հայկական կողմերին:

Մյուս կողմից ակտիվացման հերթական փորձն են կատարում ոչ անհայտ սորոսական, գրանտակեր գործիչները, որոնց թիրախում հերթական անգամ հայտնվել են պետական ինստիտուտները:

Սա հստակ նպատակ ունի թուլացնել Հայաստանի պետական ու ազգային անվտանգությունը:

Պետք է գիտակցել՝ Հայաստանի պետական եւ ազգային անվտանգությունը վեր է ամեն ինչից եւ թույլ չպետք է տալ Ադրբեջանի, Թուրքիայի եւ գրանտակեր, հակապետական ուժերի ակտիվացումը ընդդեմ Հայաստանի Հանրապետության:

Հ.Գ.

Գրառումս գրելու ընթացքում տեղեկացա, որ ադրբեջանցիների դավադիր կրակոցից հայ զինվոր է սպանվել...

Հ.Հ.Գ.

Տղերք, հերիք է բաժանարար գծեր քաշենք հայրենիքի ներսում: Ժամանակն է մի կողմ դնել խմբային -կուսակցական շահն ու համախմբվել ընդդեմ ադրբեջանաթուրքական սպառնալիքի»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ