20  04  2019

Խոստումներ, որոնք վարչապետը չի կատարել․ հիշեցնում է Շարմազանովը

Խոստումներ, որոնք վարչապետը չի կատարել․ հիշեցնում է Շարմազանովը

ՀՀԿ մամուլի քարտուղար Էդուարդ Շարմազանովը ֆեյսբուքյան իր էջում գրում է․

«Երեկ Նիկոլ Փաշինյանը փայլեց հերթական ստերի շարանով ու մտահոգիչ և հիվանդագին մեծամտությամբ: 

«Ասում է՝ իր տված խոստումների մեծ մասը կատարել է 100 տոկոսով: Մարդ քիչ էր մնում ասեր՝ թան չէ, փռթած մածուն:

Նիկոլի խոստացածի մի փոքր մասը շարադրեմ՝ թարմացնելով նրա հիշողությունը.

• Բյուջեն 800 միլիոն դոլարով ավելացնել

• Տեսախցիկները հանել

• Պարտադիր կենսաթոշակային համակարգը վերացնել

• Կտրուկ ավելացնել ներդրումների եւ աշխատատեղերի քանակը

• Թռիչքային զարգացում ապահովել

• Մարտի մեկը բացահայտված է

• Չմիջամտել իրավապահների աշխատանքներին եւ այդպես շարունակ:

Որեւէ խոստում կատարված չէ, որեւէ:

Դրա փոխարեն Փաշինյանի թիմակիցները միլիոնավոր դրամներով իրենք իրենց պարգեւատրել են, իսկ Նիկոլը, մոռանալով տատիկ-պապիկների նիսյաների մասին, 124 միլիոն ծախսում է իր իշխանազավթման մեկ տարին նշելու համար:

Բայց այսքանով «քայլողների առաջնորդի» տարօրինակ հայտարարությունները չեն ավարտվում:

Ասում է՝ շատ է վերլուծել ու չի պատրաստվում մաքսատան աշխատակցից ներողություն խնդրել:

Ներողություն խնդրելու համար պետք է ինքնասիրահարված չլինել, պետք է իրական տեր լինել եւ ոչ թե տվայտվել ժամանակավոր հաջողությունից:

Եվ, ի վերջո, պետք է дух ունենալ, այո՛ дух:

Բարձր գոռալը, բղավելը եւ սեփական վախից ելնելով այլախոհներին վարկաբեկելն ու կալանավորելը ամենեւին дух-ի մասին չի խոսում:

Հ. Գ. Թույլերը երբեք չեն ներում եւ ներողություն խնդրում: Այդ ունակությունը հատուկ է միայն ուժեղ մարդկանց»:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ