08 01 2019

Տեր-Պետրոսյանը նորից կդառնա նախագահ. Politik.am

Տեր-Պետրոսյանը նորից կդառնա նախագահ. Politik.am

Politik.am-ը գրում է․ «Իշխանական վերնախավում կրկին ակտիվորեն քննարկվում է նախագահ Արմեն Սարգսյանին պաշտոնանկ անելու հարցը: Նիկոլ Փաշինյանը չի ցանկանում աշխատել Արմեն Սարգսյանի հետ ու փորձում է ելքեր գտնել նրանից ազատվելու համար: Փաշինյանին այդ պաշտոնում պետք է մարդ, որը կօգնի նրան Արցախի խնդրի կարգավորման հարցում:

Նոր իշխանությունների համար այս խնդրի լուծման տեսանկյունից լավագույն տարբերակ է համարվում նախկին նախագահ Լևոն Տեր-Պետրոսյանը: Հենց Տեր-Պետրոսյանի թեկնածությունն էլ քննարկվում է իշխանական վերնախավում: Ըստ ծրագրի՝ նրա նախագահ դառնալուց հետո Ազգային Ժողովի միջոցով փոփոխություններ կիրականացվեն Սահմանադրությունում, կավելացվեն նախագահի լիազորությունները, որպեսզի նա կարողանա զբաղվել արտաքին քաղաքականությամբ:

Լևոն Տեր-Պետրոսյանի թիմում ևս ակտիվորեն քննարկվում է  այս տարբերակը: Նախկին նախագահը անգամ իր մտերիմ թիմակիցների՝ ԱԺ ընտրություններին չմասնակցելը բացատրել է սպասվելիք զարգացումներով, որում իր թիմը մեծ դերակատարում է ունենալու: Մեր ՀԱԿ աղբյուրն ասաց.«Պապին ասել ա՝ սպասեք մինչև մայիս»»։

Նյութն ամբողջությամբ կարդացեք Politik.am-ում։

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ