28 12 2018

Արցախում նախարարությունների թվի կրճատում չի նախատեսվում

Արցախում նախարարությունների թվի կրճատում չի նախատեսվում

Արցախում գալիք տարում նախարարությունների թվի կրճատում չի նախատեսվում: «Արցախպրես»-ի թղթակցի հաղորդմամբ՝ այս մասին այսօր կայացած մամուլի ասուլիսին ասել է ԱՀ պետական նախարար Գրիգորի Մարտիրոսյանը՝ անդրադառնալով ՀՀ-ում շրջանառության մեջ դրված օրինագծին, համաձայն որի նախատեսվում է նախարարությունների թիվը հասցնել 12-ի՝ նախկին 17-ի դիմաց:

«ԱՀ կառավարությունը բաղկացած է 12 նախարարությունից: Պետական կառավարման համակարգի օպտիմալացումը կամ կատարելագործումը անընդհատ տարվող գործընթաց է: Մեր պարագայում հարցը կքննարկվի ապագայում: Գործող համակարգը այս պահի դրությամբ կարողանում է լուծել իր առջև դրված խնդիրները: Կարծում եմ՝ կտրուկ քայլեր կատարելը կբերի սոցիալական մեծ լարվածության, քանի որ ԱՀ տնտեսությունում պետական հատվածը մեծ դեր և տեսակարար կշիռ ունի: Ցանկացած այսպիսի փոփոխություն բերում է սոցիալական լարվածության և աշխատատեղերի կրճատման: Սակայն պետական կառավարման համակարգի արդյունավետությունը բարձրացնելու համար  միայն դրանով չպետք է առաջնորդվենք»,- նշել է Գ. Մարտիրոսյանը:

 

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ