Ալիևից անկեղծ տրամադրվածունն եմ զգացել վերականգնելու Հայաստանի հետ ԼՂ կարգավորման բանակցությունները. ՌԴ ԱԳՆ

ՌԴ ԱԳ նախարար Սերգեյ Լավրովը հայտարարել է, որ Ադրբեջանի նախագահ Իլհամ Ալիեւի անկեղծ տրամադրվածություն է զգացել վերականգնելու Հայաստանի հետ ղարաբաղյան հակամարտության կարգավորման բանակցությունները, հայտնում է «ՌԻԱ Նովոստի»-ն:

«Իլհամ Հեյդարովիչ Ալիևի հետ շատ մանրակրկիտ, երկարատև զրույց ունեցանք: Մենք զգացինք նրա անկեղծ տրամադրվածությունն այն հարցում, որ բանակցությունները վերականգնվեն, որ գտնվեն կառուցողական հանգուցալուծումներ»,-ասել է Լավրովը:

«Մենք՝ որպես թե՛ Ադրբեջանին, թե՛ Հայաստանին մոտ գործընկեր երկիր, և որպես ԵԱՀԿ Մինսկի խմբի համանախագահ երկիր, ամեն ինչ կանենք, որպեսզի փոխզիջումների հասնելու համար անհրաժեշտ պայմաններ ստեղծենք»,- ասել է Լավրովը:

ՌԴ արտգործնախարարը նաև հայտարարել է, որ Ռուսաստանն ակնկալում է, որ պաշտոնական Երևանն ու Բաքուն կվերսկսեն արցախյան հակամարտության շուրջ բանակցությունները, երբ Հայաստանում արտահերթ խորհրդարանական ընտրությունների արդյունքների հիման վրա կձևավորվի նոր կառավարություն: Լավրովը հույս է հայտնել, որ հայկական կողմը երկրում նոր կառավարության ձևավորումից հետո պատրաստակամ կլինի վերսկսել բանակցությունները: