26 11 2018

ՌԴ սահմանը «խախտած» ուկրաինական նավերը․ կադրեր

ՌԴ սահմանը «խախտած» ուկրաինական նավերը․ կադրեր

Ուկրաինայի ռազմածովային ուժերին պատկանող երեք նավերը, որոնք, ռուսական կողմի պնդմամբ, նոյեմբերի 25-ին Ազովի ծովում խախտել են Ռուսաստանի Դաշնության պետական սահմանը, գտնվում են Կերչի նավահանգստում: Այս մասին հաղորդում է ТАСС-ը։

Համապատասխան կադրերը հրապարակվել են համացանցում:

Աղբյուրը նշում է, որ «Բերդյանսկ», «Նիկոպոլ» երկու զրահանավակն ու «Յանի Կապու» քարշակն այժմ ծածկված են քողարկիչ ցանցով: Քարշակի մի հատվածում տեսանելի են ռուսական նավերի հետ կապված միջադեպի հետևանքով առաջացած վնասվածքները:

ՌԴ ԱԳՆ պաշտոնական ներկայացուցիչ Մարիա Զախարովան հայտնել է, որ ՌԴ-ում Ուկրաինայի գործերի ժամանակավոր հավատարմատարը կանչվել է ՌԴ ԱԳՆ:

Զախարովայի խոսքով` պատճառը ուկրաինական կողմի սադրիչ և ագրեսիվ գործողություններն են:

Նա նաև ասել է, որ Արևմտյան երկրները, որոնք ազդեցություն ունեն Ուկրաինայի վրա, պետք է Կիևին ազդաշնշան ուղարկեն` ՌԴ-ի դեմ սադրիչ գործողությունները դադարեցնելու անհրաժեշտության մասին:

Հիշեցնենք, որ Ուկրաինան կատարվածից հետո ռազմական դրություն հայտարարելու մասին որոշում է կայացրել:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ