10  10  2018

ԱՄՆ-ն ողջունում է Փաշինյանի և Ալիևի հանդիպումը

ԱՄՆ-ն ողջունում է Փաշինյանի և Ալիևի հանդիպումը

ԱՄՆ պետքարտուղարի օգնականի՝ Եվրոպայի և Եվրասիայի հարցերով խորհրդական Ջորջ Քենթը դրական է գնահատում Ադրբեջանի և Հայաստանի ղեկավարների հանդիպումը Դուշանբեում տեղի ունեցած ԱՊՀ գագաթնաժողովի շրջանակում, գրում է Интерфакс Ադրբեջանը:

«Դուշանբեում Ադրբեջանի և ՀՀ ղեկավարների հանդիպումը դրական ազդանշան է: Հանդիպումից հետո շփման գծում հրադադարի ռեժիմի խախտման ինտենսիվության նվազում ենք նկատում», - նշել է Քենթը Բաքվում տեղի ունեցած ճեպազրույցի ժամանակ:

Ըստ ամերիկացի գործչի՝ ԱՄՆ Պետքարտուղարությունը կողմերին հորդորում է հետագայում նույնպես հավատարիմ մնալ այդ ընթացքին: «Կարևոր է նաև կողմերի ագրեսիվ հայտարարությունների նվազեցումը: Նման հռետորաբանությունը խաղաղության չի բերում», - ընդգծել է Քենթը:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ