09  10  2018

Տաճատ Վարդապետյանը դուրս է գալիս ՀՀԿ-ից

Տաճատ Վարդապետյանը դուրս է գալիս ՀՀԿ-ից

ՀՀ Ազգային ժողովի պատգամավոր Տաճատ Վարդապետյանը Հանրապետական խմբակցությունից դուրս գալու դիմում է գրել, ինչը պայմանավորում է ներքաղաքական իրավիճակով: «Արմենպրես»-ի հետ զրույցում Վարդապետյանը, մասնավորապես, նշեց. «Իմ դիրքորոշումը պայմանավորված է ժողովրդի կամքին հնազանդ լինելու անհրաժեշտությամբ, որպեսզի քաղաքական ստեղծված իրավիճակից դուրս գանք»:

Հարցին, հնարավոր համարո՞ւմ է արդյոք քաղաքական նոր ուժի հետ համագործակցությունը՝ ԱԺ պատգամավորը պատասխանեց, որ քաղաքականությունը հնարավորի արվեստ է, սակայն առայժմ որևէ ուժի կողմից առաջարկ չի ստացել:

Հոկտեմբերի 9-ին Ազգային ժողովի ՀՀԿ խմբակցության 16 պատգամավոր, այդ թվում՝ Տաճատ Վարդապետյանն, ստորագրել է դեկտեմբերին արտահերթ ընտրություններ անցկացնելու վարչապետ Նիկոլ Փաշինյանի նախաձեռնությանը սատարող հայտարարության տակ:

 



* Հարգելի ընթերցող, մեր տեքստերում վրիպակ գտնելու դեպքում, խնդրում ենք սեղմել «Ctrl+Enter» կոճակները, և բացվող պատուհանում նշել այդ մասին. այնուհետև հաստատել` սեղմելով «Ուղարկել» կոճակը

Դիտել նաև
Orphus համակարգ